کراچی میں 11 روز سے لاپتہ7 سالہ صارم کی لاش مل گئی

کراچی18جنوری (پی پی آئی)شہر قائد کے علاقے نارتھ کراچی میں 11 روز سے لاپتہ سات سالہ صارم کی لاش گھر کے قریب واٹر ٹینک سے مل گئی۔پولیس کے مطابق صارم 11 روز قبل پراسرار طور پر لاپتہ ہوا تھا، جس کی تلاش جاری تھی،ایدھی ٹرسٹ کے  مطابق اس کے عملہ نے میت کو عباسی شہید اسپتال پہنچایا۔پولیس نے بتایا کہ واٹر ٹینک پر ڈھکن کی جگہ گتے کا ٹکڑا رکھا ہوا تھا، بچہ حادثاتی طور پر گرا یا کسی نے پھینکا اس کی تحقیقات کر رہے ہیں۔بچے کی لاش دیکھ کر والدہ شدت غم سے نڈھال ہیں۔دوسری جانب کراچی میں بچوں کے اغوا اور لاپتہ ہونے کے واقعات میں تیزی سے اضافہ ہورہا ہے۔