سندھ نے سستی بجلی کے لیے صوبائی گرڈ کا خاکہ پیش کیا؛ ڈنمارک کی سبز سرمایہ کاری پر نظر

ٹھٹھہ28جنوری (پی پی آئی) تھیلیسیمیا کے مریض بچوں کی رمضان المبارک میں خون کی کمی پورا کرنے کے لیے کاشف اقبال تھیلیسیمیا سینٹر نے ٹھٹھہ میں ایک روزہ بلڈ بنک کا انعقاد کیا۔کیمپ کا مقصد تھیلیسیمیا کے مریض بچوں کو وقت پر خون فراہم کرنا تھا، کیونکہ رمضان کے دوران خون کے عطیات کی کمی ہو جاتی ہے جس کی وجہ سے ان بچوں کی زندگیوں کو خطرہ لاحق ہوتا ہے۔ کاشف اقبال تھیلیسیمیا سینٹر نے ڈی سی چوک مخدوم ہاشم ٹھٹھوی پارک میں خون کا کیمپ لگایا، جہاں نوجوانوں نیخون کی دو سو بوتلیں عطیہ کیں۔کاشف اقبال تھیلیسیمیا سینٹر کے رہنما خالد آرائیں نے اس موقع پر بتایا کہ اس وقت تقریباً دو لاکھ بچے تھیلیسیمیا کے مرض میں مبتلا ہیں اور کراچی سینٹر میں سیکڑوں بچے رجسٹرڈ ہیں۔ انہوں نے کہا کہ رمضان میں لوگ خون کا عطیہ نہیں دیتے جس سے خون کی کمی بڑھ جاتی ہے اور بچوں کی جان کو خطرہ لاحق ہو جاتا ہے۔ اس لئے ہر سال رمضان سے پہلے ہم بلڈ کیمپ لگا کر خون جمع کرتے ہیں تاکہ رمضان میں خون کی کمی کو پورا کیا جا سکے اور بچوں کی جان بچائی جا سکے۔