کشمیری قوم سے اپیل کی کہ وہ بیدار ہو جائے، ورنہ مافیا انہیں نگل جائے گا:محمد طاہر کھوکھر

اسلام آباد6فروری (پی پی آئی)سابق وزیر سیاحت و ٹرانسپورٹ محمد طاہر کھوکھر نے ایک بیان میں باشندہ ریاست کے تحفظ کے لیے اپنی جدوجہد پر زور دیتے ہوئے  انہوں نے کہا کہ جن جعلی ایم ایل ایز نے کشمیریوں کی شناخت کو نقصان پہنچایا ہے اور اور جعلی مہاجر بن کر جعلی سٹیٹ سبجیکٹ پر اسمبلی میں چور دروازے سے آئے ہیں ان کی حمایت کی جا رہی ہے جس کی وہ مذمت کرتے ہیں۔انہوں  نے کہاکہ ایسے جعل ساز ایم  کشمیریوں اور مہاجرین کے مجرم ہیں اور کشمیری قوم انہیں کبھی معاف نہیں کرے گی۔۔انہوں نے کہا کہ جعلی مہاجریننے جعل سازی سے کشمیریوں کی شناخت کا لبادہ اوڑھ رکھا ہے اور کشمیریوں کی شناخت کے ساتھ کھلواڑ کر رہے ہیں۔ انہوں نے کشمیری قوم سے اپیل کی کہ وہ بیدار ہو جائے، ورنہ یہ مافیا انہیں کنورٹ کر کے نگل جائے گا اور اصل کشمیری گمنام ہو جائیں گے۔ جعلی  ایم ایل ایز کشمیری مہاجر بن کر کشمیر کاسٹیٹس انجوائے کر رہے ہیں۔انہوں نے کہا کہ وہ ریاست کے باشندوں کے تحفظ کے لیے فرنٹ لائن پر قانونی جنگ لڑ رہے ہیں۔ ان کا کہنا تھا کہ اقتدار اور سیاسی مفادات کے لیے ریاست کے باشندوں کو باشندہ ریاست روندنے کی کوششیں کی جا رہی ہیں۔ سیاسی مفادات اور اقتدار کے لیے جعلی ایم ایل ایز کو تحفظ نہ دیا جائے اور ریاست اور اس کے باشندوں کو داؤ پر نہ لگایا جائے۔