مستونگ میں تیز رفتار گاڑی الٹنے سے2 بھائی جاں بحق

مستونگ، 10 فروری (پی پی آئی) مستونگ کے کوہ نور ہوٹل دیتو مور کے قریب تیز رفتار گاڑی الٹنے سے پیر کے  روز دو بھائی جاں بحق ہو گئے۔ ریسکیو ذرائع کے مطابق تیز رفتار گاڑی سڑک سے پھسل کر الٹ گئی جس کے نتیجے میں گاڑی میں سوار دو بھائی موقع پر ہی جاں بحق ہوگئے۔ لاشوں کی شناخت سید حبیب اللہ اور سید محب اللہ کے ناموں سے ہوئی ہے جنہیں نواب غوث بخش رئیسانی اسپتال منتقل کیا گیا اور بعد ازاں ورثاکے حوالے کر دیا گیا۔ متعلقہ حکام کی جانب سے مزید تفتیش کی جا رہی ہے