بلوچستان کابینہ میں ردوبدل،2پارلیمانی سیکرٹریوں کو نئی ذمہ داریاں تفویض

کوئٹہ، 12 فروری 2025 (پی پی آئی) وزیراعلیٰ بلوچستان میر سرفراز بگٹی نے بلوچستان حکومت کی کابینہ میں تبدیلیاں کرتے ہوئے دو پارلیمانی سیکرٹریز سے قلمدان واپس لے لیے۔بلوچستان حکومت کے ایک بیان کے مطابق محکمہ سروسز اینڈ جنرل ایڈمنسٹریشن کی جانب سے جاری کردہ نوٹیفکیشن میں کہا گیا ہے کہ لیاقت علی لہری سے سروسز اینڈ جنرل ایڈمنسٹریشن ڈیپارٹمنٹ کا قلمدان واپس لے کر انہیں ٹرانسپورٹ کا قلمدان سونپا گیا ہے۔عبدالمجید بادینی سے ٹرانسپورٹ کا قلمدان واپس لے کر انہیں ایڈمنسٹریٹر جنرل ایڈمنسٹریشن ڈیپارٹمنٹ کا قلمدان سونپا گیا ہے۔ تبدیلیوں کا مقصد کابینہ کی کارکردگی کو بہتر بنانا بتایا گیا ہے۔