دنیا بھر کی طرح پاکستان میں بھی پرتشدد، انتہا پسندی کے انسداد کا بین الاقوامی دن منایا گیا

اسلام آباد12فروری (پی پی آئی) دنیا بھر کی طرح پاکستان میں بھی بدھ کو  پرتشدد، انتہا پسندی کے انسداد کا بین الاقوامی دن منایا گیا۔ اس دن کا مقصد پرتشدد انتہا پسندی کے خطرات سے آگاہی بڑھانا اور بین الاقوامی تعاون کو فروغ دینا ہے۔وزارت اطلاعات و نشریات کے بیان کے مطابق، یہ دن دہشت گردی کے پھیلاؤ کے سازگار حالات کو دور کرنے کی اہمیت کی یاد دہانی کرواتا ہے۔ اس اقدام کے تحت قوموں کے درمیان تعاون کی حوصلہ افزائی کی جاتی ہے تاکہ پرتشدد انتہا پسندی کا مؤثر انداز میں مقابلہ اور روک تھام کی جا سکے۔یہ  دن  پرتشدد انتہا پسندی سے منسلک چیلنجز اور اس کے دہشت گردی کی طرف لے جانے کی صلاحیت کے حوالے سے مشترکہ محاذ کی ضرورت کو اجاگر کرتاہے۔