لیاقت آباد میں گھریلو تنازع: بھتیجے کی فائرنگ سے چچا جاں بحق

کراچی،3مارچ (پی پی آئی)لیاقت آباد بی ون ایریا میں جھگڑے کے دوران بھتیجے نے فائرنگ کرکے چچا کو قتل کر دیا۔ جاں بحق شخص کی شناخت 45 سالہ عبد الکامران کے نام سے ہوئی ہے، جبکہ ملزم رشید موقع سے اسلحے سمیت فرار ہوگیا۔ایدھی ٹرسٹ کے مطابق مقتول کی لاش کو ضابطے کی کارروائی کے لیے قریبی اسپتال منتقل کیا گیا۔پولیس کے مطابق قتل کا واقعہ گھریلو جھگڑے کے نتیجے میں پیش آیا۔ واقعے میں ملوث تین افراد عمران، عارف اور حارث کو گرفتار کر لیا گیا ہے، جبکہ مرکزی ملزم کی تلاش جاری ہے۔حکام کا کہنا ہے کہ جائے وقوعہ سے شواہد اکٹھے کر لیے گئے ہیں اور ملزم کی گرفتاری کے لیے چھاپے مارے جا رہے ہیں۔