ملک کے کچھ مقامات پر طوفان بادوباراں اور پہاڑوں پر ہلکی برفباری متوقع

اسلام آباد،14مارچ (پی پی آئی) محکمہ موسمیات نے پیشگوئی کی ہے کہ آئندہ 24گھنٹوں میں شمال مشرقی بلوچستان، خیبرپختونخوا، بالائی و وسطی پنجاب، کشمیر اور گلگت بلتستان کے کچھ مقامات پر تیز ہواؤں کے ساتھ بارش اور پہاڑوں پر ہلکی برفباری متوقع ہے۔محکمہ موسمیات کے مطابق جنوبی پنجاب اور بالائی سندھ کے کچھ علاقوں میں بھی تیز ہواؤں اور گرج چمک کے ساتھ ہلکی بارش کی توقع کی جا رہی ہے۔ملک کے دیگر حصوں میں موسم جزوی طور پر ابر آلود اور خشک رہنے کا امکان ظاہر کیا گیا ہے۔ حکام نے شہریوں کو ہدایت کی ہے کہ وہ موسم کی تبدیلی کے پیش نظر احتیاطی تدابیر اختیار کریں۔