گلشن اقبال کراچی میں پکوان ہاؤس لٹنے سے بچ گیا، ایک ڈاکو گرفتار،3 فرار

کراچی 17مارچ(پی پی آئی) گلشن اقبال ضیا کالونی میں پولیس کی بروقت کارروائی کے باعث پکوان ہاؤس کو لٹنے سے بچا لیا گیا۔ پولیس نے ایک ڈاکو کو گرفتار کر لیا جبکہ اس کے تین ساتھی فرار ہونے میں کامیاب ہوگئے۔پولیس نے اطلاع ملتے ہی موقع پر پہنچ کر کارروائی کی اور گرفتار ملزم سے اسلحہ اور موٹر سائیکل برآمد کر لی۔ موٹر سائیکل پر سوار پولیس اہلکاروں نے فرار ہونے والے ملزموں کا تعاقب کیا لیکن وہ فرار ہونے میں کامیاب ہو گئے۔گرفتار ملزم کو مزید قانونی کارروائی کے لیے متعلقہ تھانے منتقل کر دیا گیا ہے۔ پولیس دیگر ملزمان کی گرفتاری کے لیے چھاپے مار رہی ہے۔