سلامتی کونسل, اسرائیلی جارحیت اور فلسطینی باشندوں کا قتل عام روکنے میں کردار ادا کرے: پاکستان

نیویارک،19مارچ (پی پی آئی)اقوام متحدہ میں پاکستان نے غزہ میں فلسطینیوں کی نسل کشی روکنے اور پندرہ جنوری کے جنگ بندی معاہدے پر عملدرآمد کا مطالبہ کیا ہے۔ پاکستان کے مستقل مندوب منیراکرم نے نیویارک میں سلامتی کونسل سے اپیل کی ہے کہ وہ اسرائیلی جارحیت اور فلسطینی باشندوں کے قتل عام کو فوری روکنے میں اپنا کردار ادا کرے۔پاکستانی مندوب نے سلامتی کونسل کے اجلاس میں کہا کہ اسرائیل کی جانب سے غزہ میں کی جانے والی کارروائیاں بین الاقوامی قوانین کی خلاف ورزی ہیں۔منیراکرم نے کہا کہ پندرہ جنوری کے جنگ بندی معاہدے پر عملدرآمد کیا جانا چاہئے تاکہ علاقے میں امن و استحکام بحال ہو سکے۔سلامتی کونسل کے اجلاس میں دیگر ممالک کے مندوبین نے بھی فلسطینی عوام کی موجودہ صورتحال پر تشویش کا اظہار کیا۔ اجلاس کے دوران متعدد ممالک نے بھی غزہ کی صورتحال پر اپنی تشویش کا اظہار کرتے ہوئے فوری کارروائی کا مطالبہ کیا۔