ٹھٹہ کے قریب تیز رفتار موٹر سائیکل حادثات: 2 جاں بحق، 5 زخمی

ٹھٹہ،ٹھٹہ کے قریب دو مختلف موٹر سائیکلوں کے حادثات میں دو افراد جاں بحق اور پانچ زخمی ہوگئے۔ واقعات کے مطابق، رات دیر سے ٹھٹہ سے 5 کلومیٹر دور مکلی غلام اللہ روڈ پر ٹرک نے موٹر سائیکل سواروں کو کچل دیا، جس کے نتیجے میں گوٹھ سلیمان کہیو کے دو نوجوان، مولابخش اور شاہد کہیو، موقع پر جاں بحق ہوگئے، جبکہ پولیس نے ٹرک ڈرائیور کو گرفتار کرلیا۔دوسرا واقعہ ٹھٹہ کے قریب ناکہ گراؤنڈ پر پیش آیا، جہاں تیز رفتار تین موٹر سائیکلیں آپس میں ٹکرا گئیں۔ حادثے کے نتیجے میں پانچ افراد زخمی ہوئے، جن میں سے ایک شخص، قاسم خشک، کو نازک حالت میں کراچی روانہ کر دیا گیا، جبکہ باقی افراد کو سول اسپتال مکلی میں داخل کردیا گیا۔واضح رہے کہ افطاری کے بعد مرکزی شاہراہ پر تیز رفتار موٹر سائیکلوں کی ریس ہوتی ہے، جو حادثات کا سبب بنتی ہے۔