پشاور تا کراچی چلنے والی خوشحال خٹک ایکسپریس25 اپریل سے بحال

کراچی،05اپریل (پی پی آئی)پشاور تا کراچی براستہ لیہ، بھکر، کوٹ ادو، ڈیرہ غازیخان چلنے والی خوشحال خان خٹک ایکسپریس کی بحالی کا اعلان کر دیا گیا ہے۔ یہ ٹرین 25 اپریل 2025 سے اپنے سفر کا آغاز کرے گی۔یہ ٹرین کراچی سٹی سے پشاور کینٹ کے درمیان کوٹری، دادو، لاڑکانہ، جیکب آباد، کندھ کوٹ، کشمور، راجن پور، ڈیرہ غازی خان، کوٹ ادو، کوٹ سلطان، لیہ، بھکر، کندیاں، میانوالی، جنڈ، اٹک سٹی جنکشن، نوشہرہ سے ہوتی ہوئی پشاور پہنچے گی۔خوشحال خان خٹک ایکسپریس مین لائن کوٹری جنکشن سے اٹک سٹی جنکشن پر براستہ لاڑکانہ، ڈیرہ غازی خان، کوٹ ادو، میانوالی، پشاور اور کراچی کے لیے واحد ٹرین ہے۔یہ ٹرین مسافروں کے لیے ایک اہم سفری سہولت ہو گی جو مختلف شہروں کے درمیان سفر کو آسان بنائے گی۔