دریائے سندھ سے کینال نکالنے کے خلاف ٹھٹھہ میں شٹر ڈاؤن ہڑتال: کاروبار زندگی معطل

ٹھٹھہ،20اپریل (پی پی آئی)دریائے سندھ سے کینال نکالنے کے منصوبے کے خلاف ضلع  ٹھٹھہ  کے چھوٹے بڑے شہروں میں شٹر ڈاؤن ہڑتال کی گئی ہے۔  ہڑتال کے باعث ٹھٹھہ شہر کے تمام کاروباری مراکز، پٹرول پمپ، اور ہوٹل بند رہے، جس کی وجہ سے سڑکوں پر پبلک ٹرانسپورٹ غائب تھی۔ دوسرے شہروں کی طرف جانے والے مسافر شدید مشکلات کا شکار ہوئے۔یہ ہڑتال قوم پرست جماعتوں کی اپیل پر کی گئی، جو دریائے سندھ سے کینال نکالنے کے منصوبے کے خلاف ہیں۔ انہوں نے حکومت سندھ سے مطالبہ کیا کہ وہ اس منصوبے کو فوری طور پر ختم کرے، جسے وہ سندھ دشمن قرار دیتے ہیں۔