غیر قانونی کرنسی ایکسچینج میں ملوث ملزم گرفتار

کراچی،25اپریل (پی پی آئی)وفاقی تحقیقاتی ادارے (ایف آئی اے) کی اینٹی کرپشن سرکل کراچی نے ایک کارروائی میں غیر قانونی کرنسی ایکسچینج میں ملوث ملزم کو گرفتار کر لیا۔ ملزم مجتبیٰ حیدر کو شاہراہِ پاکستان کراچی سے چھاپے کے دوران حراست میں لیا گیا۔ ملزم کے قبضے سے 14 ہزار امریکی ڈالر اور دو موبائل فون برآمد کیے گئے۔ ان موبائل فونز سے غیر ملکی کرنسی کی غیر قانونی خرید و فروخت کے متعلق ڈیجیٹل شواہد بھی حاصل کیے گئے ہیں۔ملزم نے تفتیش کے دوران غیر قانونی طریقے سے غیر ملکی کرنسی کی خرید و فروخت میں ملوث ہونے کا اعتراف کیا ہے۔ مزید کارروائی کے لیے ملزم کو شواہد سمیت ایف آئی اے اینٹی کرپشن سرکل کراچی منتقل کر دیا گیا ہے۔ملزم کے خلاف مقدمہ درج کر کے تفتیش کا آغاز کر دیا گیا ہے۔