پاک افواج سے اظہار یکجہتی کیلئے اوکاڑہ میں آج ریلی نکالی جائے گی

اوکاڑہ،4مئی (پی پی آئی) اوکاڑہ میں 5 مئی کو ضلع کونسل اوکاڑہ سے ڈپٹی کمشنر احمد عثمان جاوید کی قیادت میں پاک افواج سے اظہار یکجہتی اور بھارتی پراپیگنڈے کے خلاف ریلی نکالی جائے گی۔ریلی کا آغاز صبح 9:30 بجے ہوگا اور اس میں ضلعی انتظامیہ کے افسران سمیت مختلف محکموں کے اہلکار اور مختلف شعبہ ہائے زندگی سے تعلق رکھنے والے افراد شرکت کریں گے۔ریلی کا مقصد پاک افواج کی حمایت اور بھارتی پراپیگنڈے کا جواب دینا ہے۔ میڈیا کے نمائندوں کو بھی اس ریلی میں شرکت کی دعوت دی گئی ہے تاکہ وہ اس پیغام کو وسیع پیمانے پر پھیلائیں۔