محتسب اعلیٰ کے دفتر کی مداخلت پر ریٹائرڈ ملازمین کو بقایا جات کی ادائیگی

گھوٹکی، 6 مئی (پی پی آئی) ریجنل ڈائریکٹر محتسب اعلی سندھ گھوٹکی فضل محمد شیخ کی ہدایت پر ریٹائرڈ ملازمین کو ان کی بقایاجات کی رقم فراہم کر دی گئی۔ ریٹائرڈ سرکاری ملازمین واحد بخش پتافی اور برکت علی کورائی نے ریجنل ڈائریکٹر محتسب اعلی سندھ گھوٹکی کے سامنے شکایات کی تھی۔ انہوں نے موقف اختیار کیا کہ ڈسٹرکٹ اکاؤنٹس آفیس میرپور ماتھیلو کی جانب سے انہیں رٹائرمنٹ کے بعد بقایاجات کی مد میں رقم فراہم نہیں کی جا رہی ہے۔شکایات موصول ہونے پر ریجنل ڈائریکٹر گھوٹکی کی ہدایت پر ٹریزری آفیس میرپور ماتھیلو نے واحد بخش پتافی کے اکاؤنٹ میں 20 لاکھ 63 ہزار 358 روپے جبکہ برکت علی کورائی کے اکاؤنٹ میں 9 لاکھ 68 ہزار 332 روپے منتقل کر دیے۔رقم کی منتقلی کے بعد متعلقہ دستاویزات ریجنل ڈائریکٹر گھوٹکی کو فراہم کی گئیں۔ اس موقع پر مذکورہ ملازمین نے ریجنل ڈائریکٹر محتسب اعلی سندھ گھوٹکی کا شکریہ ادا کیا۔