ہندوستان کے بزدلانہ حملے میں زخمیوں کی سی ایم ایچ میں عیادت

 مظفرآباد، 8مئی (پی پی آئی)آزاد کشمیرحکومت کی مشیر برائے سروسز اینڈ جنرل ایڈمنسٹریشن محترمہ نثارہ عباسی نے دارالحکومت مظفرآباد کے علاقہ شوائی میں ہندوستان کے بزدلانہ حملے میں زخمی ہونے والے افراد کی سی ایم ایچ میں عیادت کی۔ متاثرین کی عیادت کے بعد نثارہ عباسی نے متاثرہ علاقے کا دورہ کیا اور عوام اور پاک فوج کے حوصلے کی تعریف کی۔ انہوں نے میڈیا سے گفتگو کرتے ہوئے کہا کہ دشمن کی بزدلانہ کارروائیاں ان کے عزم اور حوصلے کو پست نہیں کر سکتیں۔محترمہ نثارہ عباسی نے کہا کہ پاک فوج نے ہمیشہ کی طرح دشمن کو منہ توڑ جواب دیا ہے جس پر وہ پاک فوج کو خراج تحسین پیش کرتی ہیں۔ انہوں نے کشمیر کو شہیدوں اور غازیوں کی دھرتی قرار دیا۔انہوں نے مزید کہا کہ ہندوستان معصوم شہریوں کو نشانہ بنا کر دنیا کو گمراہ نہیں کر سکتا اور اقوام عالم کو ہندوستان کی بین الاقوامی قوانین کی خلاف ورزیوں کا نوٹس لینا چاہیے۔