جموں کشمیر لبریشن فرنٹ کا مسئلہ کشمیر پر آل پارٹیز کانفرنس بلانے کا فیصلہ

کراچی، 12 مئی (پی پی آئی)  جموں کشمیر لبریشن فرنٹ نے امریکی صدر ڈونلڈ ٹرمپ کی طرف سے مسئلہ کشمیر پر ثالثی کی پیش کش کے بعد متفقہ لائحہ عمل مرتب کرنے کے لئے آل پارٹیز کانفرنس بلانے کا فیصلہ کیا ہے۔ اس کانفرنس میں ریاست جموں کشمیر کے تینوں حصوں سے نمائندہ لیڈر شپ، اہل قلم اور پاکستان سے مشاہد حسن سید، شیریں مزاری، حامد میر اور حمد اللہ خان سمیت دیگر صاحب الرائے زعماکو مدعو کیا جائے گا۔کانفرنس  کے ایجنڈے میں شملہ معاہدہ کی منسوخی، چوبیس اکتوبر کی حکومت کے ڈیکلریشن کی بحالی، اور امریکی ثالثی کے ذریعے کشمیری قیادت کی نمائندگی شامل ہیں۔