میرپورخاص میں آموں کی نمائش: ہزاروں اقسام کے آم مارکیٹ میں آنے کو تیار

میرپورخاص،13مئی (پی پی آئی)پھلوں کا بادشاہ آم، ملکی مارکیٹ میں 25 مئی سے دستیاب ہوگا جبکہ بیرون ملک ایکسپورٹ کی تیاریاں بھی شروع کر دی گئی ہیں۔ میرپورخاص ضلع، جو آموں کی پیداوار میں اپنی ایک الگ پہچان رکھتا ہے، یہاں 120 اقسام کے آم مارکیٹ میں آنے کو تیار ہیں۔میرپورخاص میں ہزاروں ایکڑ پر پھیلے باغات میں ٹھیکیداروں کی آمد شروع ہو چکی ہے۔ باغات مالکان کے مطابق آموں کی توڑائی کا عمل جاری ہے۔ پہلے مرحلے میں بیرون ملک آموں کی برآمد کے لیے آموں کی چوڑائی اور درجہ بندی کا کام شروع ہو چکا ہے۔ذرائع کے مطابق، میرپورخاص اور دیگر مقامات سے مختلف اقسام کے آم 25 مئی سے مارکیٹ میں دستیاب ہونا شروع ہو جائیں گے۔ میرپورخاص ضلع دنیا بھر میں آموں کی افزائش اور پیداوار کو بڑھانے کے حوالے سے ایک منفرد مقام رکھتا ہے۔اس ضلع میں 56 سالوں سے آموں کی نمائش منعقد کی جا رہی ہے۔ اس سال 57 ویں سالانہ آموں کی نمائش کا انعقاد کیا جائے گا، جس میں آموں کی نمائش کے ساتھ دیگر تفریحی سہولیات بھی فراہم کی جائیں گی۔