میرپورخاص میں سمر گیمز فیسٹیول کی تیاریاں مکمل ، افتتاحی تقریب آج ہوگی

میرپورخاص، 18 مئی (پی پی آئی) محکمہ کھیل و امور نوجوانان سندھ کی جانب سے لڑکوں اور لڑکیوں کے لیے میرپورخاص میں سمر گیمز فیسٹیول کا انعقاد کیا جا رہا ہے۔سمر گیمز فیسٹیول کی افتتاحی تقریب 19 مئی کو صبح 9 بجے شہید ذوالفقار علی بھٹو اسپورٹس کمپلیکس (پی سی بی گراؤنڈ) میرپورخاص میں منعقد ہوگی۔ تقریب کا افتتاح ڈائریکٹر جنرل اسپورٹس اسد اسحاق کریں گے۔فیسٹیول میں کرکٹ، روپ اسکپنگ، بیڈمنٹن، ہاکی، شوٹنگ بال، وہیل چیئر ریس اور فٹبال جیسے کھیل شامل کیے گئے ہیں۔ یہ فیسٹیول نوجوانوں کو کھیلوں میں حصہ لینے کا موقع فراہم کرے گا۔محکمہ کھیل و امور نوجوانان سندھ نے اس ایونٹ کے انعقاد کا مقصد نوجوانوں کو صحت مند سرگرمیوں کی طرف راغب کرنا بتایا ہے۔ اس موقع پر مقامی اور علاقائی کھلاڑیوں کی شرکت متوقع ہے۔