راولپنڈی، 28 جون (پی پی آئی): آزاد جموں و کشمیر میں پہلا بلائینڈ کرکٹ ٹورنمنٹ راولا کوٹ میں 15 جولائی سے شروع ہوگا جس میں ریاست بھر سے نابینا کھلاڑیوں کی ٹیمیں شریک ہوں گی-
یہ ٹورنامنٹ راولا کوٹ کے ایک نابینا طالب علم عبداللہ کا خواب ہے جو پونچھ یونیورسٹی میں زیر تعلیم ہے۔ کرکٹ کے شوقین عبداللہ نے اپنے جذبے کی بدولت اس منفرد ایونٹ کا اہتمام کیا ہے۔
عبداللہ تعلیم اور کھیلوں کے ساتھ ساتھ جدید ٹیکنالوجی سے بھی واقف ہے، وہ انٹرنیٹ اور موبائل آلات استعمال کرنے میں ماہر ہے۔ حال ہی میں اس نے آزاد جموں و کشمیر میں نابینا افراد کے لیے روزگار کے مواقع فراہم کرنے کے سلسلے میں دو ہفتوں کا ایک پروگرام بھی مکمل کیا ہے۔