سانگھڑ، 15 ستمبر 2025 (پی پی آئی)پاکستان پیپلز پارٹی کے سینئر رہنما اور سابق رکن قومی اسمبلی روشن دین جونیجو انتقال کر گئے
ان کے انتقال پر پی پی کے رہنما سینیٹر امام الدیں شوقین ، پی پی کے رہنما امیر بخش عمرانی ،پاکستان پیپلز پارٹی حیدرآباد ڈویژن کے صدر عاجز دھامرہ، پاکستان پیپلز پارٹی شہید بے نظیر آباد کے جنرل سیکریٹری نایاب لغاری ،اور سندھ کے سینئر وزیر شرجیل انعام میمن سمیت تمام اہم شخصیات نے پاکستان پیپلز پارٹی کے سابق رکن قومی اسمبلی روشن دین جونیجو کے انتقال پر گہرے دکھ اور افسوس کا اظہار کیا ہے۔
شرجیل میمن نے مرحوم روشن دین جونیجو کو ایک مخلص، بہادر اور عوام دوست سیاست دان قرار دیا۔ انہوں نے جونیجو کی عوامی خدمات کو سراہتے ہوئے کہا کہ ان کی خدمات کو ہمیشہ یاد رکھا جائے گا۔
صوبائی وزیر نے سوگوار خاندان سے تعزیت اور ہمدردی کا اظہار کیا۔
شرجیل میمن نے مرحوم کی مغفرت اور بلند درجات کے لیے دعا کی اور لواحقین کے لیے صبر جمیل کی بھی دعا کی۔