عمران خان سیاست کریں فساد فتنہ اور انتشار نہ پھیلائیں ،مریم اورنگزیب کی صحافیوں پر الزامات کی مذمت

اسلام آباد(پی پی آ ئی)وزیراطلاعات مریم اورنگزیب نے کہا ہے کہ عمران خان سیاست کریں فساد فتنہ اور انتشار نہ پھیلائیں۔وفاقی وزیر مریم اورنگزیب نے عمران خان کی جانب سے صحافیوں پر الزامات کی مذمت کرتے ہوئے کہاہے کہ عمران خان نے حامد میر، مرتضیٰ سولنگی اور وقار ستی کو ملوث کرنے کی کوشش کی ،عمران خان سیاست کریں فساد فتنہ اور انتشار نہ پھیلائیں۔مریم اورنگزیب کاکہنا ہے کہ عمران خان نے حکومت میں رہ کر صحافیوں پر حملے کئے اور اب مقدمے کررہے ہیں،عمران خان سیاست کریں صحافیوں کی جان خطرے میں نہ ڈالیں ،وفاقی وزیر اطلاعات نے کہاکہ عمران خان کو سیاسی مخالفین کے ساتھ سیاسی جنگ لڑنی ہی نہیں آتی،سیاسی مخالفین کے ساتھ سیاسی مخالفت کریں ملک دشمنی تو نہ کریں ،اقتدار میں آنے کیلئے پورے ملک کو آگ لگانا چاہتے ہیں۔