عمران نیازی عوام میں انتشار اور پاکستان میں فتنہ انگیزی چاہتا ہے: حمزہ شہباز

لاہور(پی پی آ ئی) سابق وزیر اعلیٰ پنجاب حمزہ شہبازنے کہا ہے کہ عمران نیازی عوام میں انتشار اور پاکستان میں فتنہ انگیزی چاہتا ہے۔ اپنے ٹو ئٹر پیغام میں لیگی رہنما حمزہ شہباز نے کہا ہے کہ ”ایک ڈیڑھ درجن تحریک انصاف کے کارکنان نے صوبائی حکومت کی سہولت کاری سے موٹر ویز کو مختلف مقامات پر بند کیا ہوا ہے۔ عوام کو شدید مشکلات کا سامنا ہے کئی ایمبولینسز اور مریض بھی راستے میں پریشان ہورہے ہیں۔ عمران خان عوام میں انتشار اور پاکستان میں فتنہ انگیزی چاہتا ہے“۔