ملک میں ڈیزل کی قلت کے خدشات پر اوگرا کی وضاحت اوگرا نے ملک میں ڈیزل کی کمی سے متعلق آئل کمپنیز ایڈوائزری کونسل کے خدشات کو مسترد کردیا

اسلام آ باد(پی پی آ ئی) اوگرا نے ملک میں ڈیزل کی کمی سے متعلق آئل کمپنیز ایڈوائزری کونسل کے خدشات کو مسترد کردیا ہے۔ آئل اینڈ گیس ریگولیٹری اتھارٹی (OGRA) نے آئل کمپنیز ایڈوائزری کونسل کے خدشات کو مسترد کردیا ہے۔اوگرا کے ترجمان کی جانب سے جاری بیان میں کہا گیا ہے کہ ملکی ضروریات پوری کرنے کیلئے ڈیزل کا مناسب ذخیرہ موجود ہے، ڈیزل کی قلت کی اطلاعات درست نہیں۔خیال رہے کہ آئل کمپنیز ایڈوائزری کونسل نے ملک میں پیٹرولیم مصنوعات خاص طور پر ڈیزل کی قلت کا خدشہ ظاہر کیا ہے۔کونسل نے کہا ہے کہ ملکی ضروریات کے مقابلے میں کم ڈیزل درآمد کیا گیا ہے جس کی وجہ سے آئندہ چند روز میں ملک میں ڈیزل کی قلت کا خدشہ ہے۔