ملک میں فارما کی صنعت بحران کا شکار، ایک اور ملٹی نیشنل فارما کمپنی نے پیداوار بند کردی

اسلام آباد(پی پی آ ئی) ملک میں دواسازکمپنیاں بھی زوال پذیر ہوگئیں،ایک اور ملٹی نیشنل فارما کمپنی نے پاکستان میں آپریشنز بند کرنے کا اعلان کردیا، جس کے بعد پروڈکشن بند کرنے والی دواسازکمپنیوں کی تعداد اٹھارہ ہوگئی۔تفصیلات کے مطابق ملک میں فارما کی صنعت بحران کا شکار ہے، جس کے باعث متعدد دواسازکمپنیاں بند ہوگئیں۔ذیابیطیس اور دیگراہم دوائیں بنانی والی فارما کمپنی نے پاکستان میں آپریشنز بند کرنے کا اعلان کردیا، جس کے بعد ملک میں پروڈکشن بند کرنے والی دواسازکمپنیوں کی تعداد اٹھارہ ہوگئی۔ذرائع نے بتایا کہ فارما مسائل کے حوالے سے متعدد خطوط لکھے کوئی مثبت پیش رفت نہیں ہوئی جبکہ کمپنی کی جانب سے ڈاکٹرز کو جاری کردہ خط بھی سامنے آگئے۔ذرائع کا کہنا ہے کہ ناقص حکومتی پالیسی کی وجہ سے ملٹی نیشنل کمپنیاں آپریشن بند کر رہی ہے، اب تک 40فارما کمپنیز میں سے 18 پاکستان میں اپنے آپریشنز بندکر چکی ہیں۔