لاہور ہائیکورٹ میں پی ٹی آئی لانگ مارچ فوری رکوانے کی استدعا مسترد، سماعت 14 نومبر تک ملتوی

لاہور (پی پی آئی) پاکستان تحریک انصاف کے لانگ مارچ رکوانے کیلئے لاہور ہائیکورٹ میں دائر درخواست پر سماعت 14 نومبر تک ملتوی کر دی گئی ہے، عدالت نے پی ٹی آئی لانگ مارچ فوری روکنے کی استدعا مسترد کر دی ہے۔ تفصیلات کے مطابق لاہور ہائیکورٹ میں پی ٹی آئی کے لانگ مارچ رکوانے کیلئے دائر درخواست پر سماعت ہوئی، جسٹس جواد حسن نے درخواست پر سماعت کی اور درخواست 14 نومبر تک کیلئے ملتوی کر دی، جسٹس جواد حسن نے کہا کہ فریقین کو سن کر فیصلہ کریں گے، عدالت نے وزارت داخلہ، چیف سیکریٹری، سیکریٹری داخلہ، آئی جی پنجاب کو نوٹس جاری کر دیئے گئے ہیں۔