کوئٹہ کے بینظیر فلائی اوور پرٹریفک حادثے میں اسسٹنٹ کمشنر لورالائی جمیل رندجاں بحق

کوئٹہ (پی پی آئی)بلوچستان کے صوبائی دارالحکومت میں ٹریفک حادثے میں اسسٹنٹ کمشنر لورالائی جاں بحق جبکہ ان کے ماموں زخمی ہو گئے۔پی پی آئی کے مطابق پولیس کاکہناہے کہ اسسٹنٹ کمشنر جمیل رند کوئٹہ سے لورالائی جارہے تھے کہ بینظیر فلائی اوور کے قریب گاڑی کو حادثہ پیش آگیا، حادثے میں اسسٹنٹ کمشنر لورالائی جاں بحق جبکہ ماموں زخمی ہو گئے۔وزیراعلیٰ بلوچستان نے قائم مقام ڈپٹی کمشنر لورالائی کے جاں بحق ہونے پر اظہار افسوس کرتے ہوئے کہاکہ جمیل رند ایک باصلاحیت، محنتی افسر تھے، وزیراعلیٰ بلوچستان نے خاندان سے تعزیت اور ہمدردی کا اظہارکیا۔