فوج نے ابھی تک نئے آرمی چیف کیلئے نام نہیں بھیجے، خواجہ آصف کیا وزیر اعظم اور زرداری میں آرمی چیف کے نام پر ڈیڈ لاک ہے؟:صحافی ’ابھی آرمی چیف کے نام پر مشاورت ہی نہیں ہوئی تو ڈیڈ لاک کیسے ہوگا؟

اسلام آباد (پی پی آئی) وزیر دفاع خواجہ آصف کا کہنا ہے کہ ابھی تک فوج نے نئے آرمی چیف کی تعیناتی کے لیے نام نہیں بھیجے۔پارلیمنٹ ہاؤس میں میڈیا سے گفتگو کے دوران ایک صحافی نے وزیر دفاع خواجہ آصف سے سوال کیا کہ کیا وزیر اعظم شہباز شریف اور آصف علی زرداری میں آرمی چیف کے نام پر ڈیڈ لاک ہے؟اس پر خواجہ آصف نے کہا: ’ابھی آرمی چیف کے نام پر مشاورت ہی نہیں ہوئی تو ڈیڈ لاک کیسے ہوگا؟ 18 یا 19 نومبر کے بعد ہی آرمی چیف کی تعیناتی پر مشاورت ہوگی۔‘خواجہ آصف نے کہا کہ آرمی چیف کی تعیناتی کے لیے مسلم لیگ (ن) کا کوئی فیورٹ نام نہیں، جو نام فوج بھیجے گے اسی پر ہی مشاورت ہوگی۔پی پی آئی کے مطابق عمران خان سے متعلق وزیر دفاع نے کہا: ’ان کے حالیہ بیانات پر قانونی کارروائی ہونی چاہیے۔ وہ ذاتی مفاد کے لیے قومی مفاد سے کھیل رہے ہیں۔ وہ الزامات لگا کر ہمارے بین الاقوامی تعلقات خراب کر رہے ہیں۔‘انہوں نے کہا کہ عمران خان کا ذاتی مفاد کے لیے ملکی سالمیت اور وقار سے کھیلنا جرم ہے۔