پاکستان سے متعلق امریکی نظریہ میں کوئی تبدیلی نہیں آئی: امریکی محکمہ خارجہ

واشنگٹن (پی پی آئی)امریکی محکمہ خارجہ کے نائب ترجمان ویدانت پٹیل نے کہاکہ پاکستان سے متعلق امریکی نظریہ میں کوئی تبدیلی نہیں آئی، پروپیگنڈا،جھوٹ، بے بنیاد اطلاعات کو دوطرفہ تعلقات میں نہیں آنے دیں گے،کسی سیاسی جماعت کے امیدوار پر کوئی پوزیشن نہیں رکھتے۔ میڈیا ذرا ئع کے مطابق امریکی محکمہ خارجہ کے نائب ترجمان نے پریس بریفنگ میں کہاہے کہ خوشحال و جمہوری پاکستان ہمارے مفاد میں ہے،امریکا پاکستان کے ساتھ دیرینہ تعلقات کی قدر کرتا ہے،نائب ترجمان کاکہناتھا کہ پرامن، آئینی و جمہوری اقدار برقرار رکھنے کی حوصلہ افزائی کرتے ہیں،کہہ چکے پاکستان میں حکومت تبدیل کرانے کے الزامات غلط ہیں،ان کاکہناتھا کہ عمران خان کے دورہ روس سے متعلق تازہ بیان پر تبصرہ نہیں کر سکتے۔