مسئلہ کشمیر کا واحد حل استصواب رائے کے انعقاد میں مضمر ہے: پاکستان

اسلام آباد (پی پی آئی)پاکستان نے کہا ہے کہ مسئلہ کشمیر کا واحد اور پائیدار حل اقوام متحدہ کی سلامتی کونسل کی متعلقہ قراردادوں کے مطابق آزادانہ اور غیر جانبدارانہ استصواب رائے کے انعقاد میں مضمر ہے۔دفتر خارجہ کی ترجمان ممتاز زہرہ بلوچ نے اسلام آباد میں نیوز بریفنگ کے دوران کہا کہ پاکستان تنازعہ کشمیر کو تمام متعلقہ بین الاقوامی فورمز پر اٹھاتا رہا ہے۔انہوں نے کشمیریوں کی آزادی کی منصفانہ جدوجہد میں پاکستان کی مکمل حمایت کا اعادہ کرتے ہوئے کہا کہ دنیا کو بھارت پر دباؤ ڈالنا چاہیے کہ وہ غیر قانونی طریقوں سے مقبوضہ علاقے کی آبادی کا تناسب تبدیل کرنے سے باز رہے۔انہوں نے کہا کہ بھارت کو مقبوضہ جموں وکشمیر کی خصوصی حیثیت فوری طور بحال کرنی چاہیے اور ان تمام قانونی اور انتظامی اقدامات کو کالعدم کرنا چاہیے جن کا مقصد کشمیریوں کو ان کی جمہوری اکثریت اور ان کی نسلی شناخت سے محروم کرنا ہیدفتر خارجہ کی ترجمان نے مزید کہا کہ پاکستان دنیا بھر کے ممالک کے ساتھ تعلقات کو مستحکم کرنے کی اپنی پالیسی جاری رکھے گا۔