پروین رحمان قتل کیس: ملزمان کی سزائیں کالعدم قرار

کراچی (پی پی آئی) پروین رحمان قتل کیس میں ملزمان کی سزاؤں کے خلاف اپیلیں منظور کر لی گئیں۔سندھ ہائی کورٹ نے پروین رحمان قتل کیس میں سنائی گئی سزاؤں کو کالعدم قرار دے دیا۔ سندھ ہائی کورٹ نے کہا کہ پروین رحمان قتل کیس کے ملزمان دوسرے کیسز میں مطلوب نہیں تو رہا کر دیا جائے۔ملزمان میں رحیم سواتی، امجد حسین، ایاز سواتی اور احمد حسین شامل ہیں۔پی پی آئی کے مطابق واضح رہے کہ انسداد دہشتگردی عدالت نے دسمبر 2021 میں ملزمان کو2،2 بار عمر قید کی سزا سنائی تھی۔