عمران کو کسی تعیناتی پر اعتراض نہیں، نیاچیف ملک کو الیکشن کی طرف لیجائیگا، شیخ رشید پی ڈی ایم کاسیاسی جنازہ نکل چکا، سیاسی چیخیں بلاول کی پریس کانفرنس میں واضح ہیں پنڈی میں عمران خان کا تاریخی ستقبال کریں گے،سماجی رابطے کی ویب سائٹ پر پیغام

راولپنڈی (پی پی آئی)عوامی مسلم لیگ کے سربراہ شیخ رشید احمد کاکہنا ہے کہ عمران کو کسی کی تعیناتی پر اعتراض نہیں جو بھی نیا آرمی چیف آئے گا،وہ سیاسی گند اپنے کندھوں پر نہیں اٹھائے گااور ملک کو الیکشن کی طرف لے کر جائے گا۔پی پی آئی کے مطابق سماجی رابطے کی ویب سائٹ ٹوئٹر پر اپنے ٹوئٹ میں شیخ رشید احمد نے کہاکہ نوازشریف کیرٹیکرکادوراینہ بڑھوانا چاہتاہے اورمن پسندکی تعیناتی بھی چاہتاہے ایک ٹکٹ میں 2مزے نہیں مل سکتے،ان کا کہناتھا کہ پی ڈی ایم کاسیاسی جنازہ نکل چکاہے جس کی سیاسی چیخیں بلاول کی پریس کانفرنس میں واضح ہیں۔سربراہ عوامی مسلم لیگ نے کہاکہ26نومبرکوعمران خان کاراولپنڈی میں تاریخی ستقبال کریں گے۔