تسنیم حیدر نہ تو ن لیگ کا ترجمان ہے اور نہ ہی کوئی عہدیدار:مسلم لیگ ن قانونی ایکشن لیں گے ہتک عزت کا مقدمہ کریں گے:صدر نوازلیگ برطانیہ زبیر گل

لندن(پی پی آئی)مسلم لیگ ن نے پارٹی ترجمان ہونے کا دعویٰ کرنے والے شخص تسنیم حیدر کے دعوے اور الزامات مسترد کردیئے ہیں۔صدر نوازلیگ برطانیہ زبیر گل نے کہا کہ تسنیم حیدر شاہ نہ تو پارٹی کا ترجمان ہے اور نہ ہی کوئی عہدیدار ہے۔ اس کے خلاف قانونی ایکشن لیں گے۔پی پی آئی کے مطابق مسلم لیگ ن کے رہنما ناصر بٹ نے کہا ہے کہ وہ تسنیم حیدر کے خلاف ہتک عزت کا مقدمہ کریں گے۔ میڈیا سے گفتگو کہا ہے کہ تسنیم حیدر نے عید کے دن ملاقات کی جب درجنوں افراد نواز شریف سے ملے تھے۔ تسنیم حیدر کو لانچ کئے جانے کا مقصد ارشد شریف کیس سے توجہ ہٹانے کی انتہائی گھناؤنی سازش ہے۔واضح رہے کہ لندن میں موجود تسنیم حیدر نامی شخص نے دعویٰ کیا ہے کہ عمران خان اور ارشد شریف پر حملے کی سازش لندن میں نواز شریف کی موجودگی میں تیار ہوئی۔