جمہوری عمل آئینی بالادستی پارلیمنٹ سِول رْول اورانصاف کی حکمرانی کیخلاف سب سے بڑی منظم اورمکروہ سازش کے سرخیل بلاشبہ عمران نیازی ہیں: سعد رفیق

اسلام آ باد(پی پی آ ئی) وفاقی وزیر ریلوے خوا جہ سعد رفیق نے عمران خان کو تنقید کا نشا نہ بناتے ہو ئے کہا ہے کہ پی ٹی آئی نے اپنے سہولت کاروں کی ملی بھگت سے محض اپنے اقتدار کیلئے جمہوریت کی جڑیں کھوکھلی کیں اور پاکستان کوریورس گئیر میں ڈالدیا۔سماجی رابطے کی ویب سائٹ ٹو ئٹر پر اپنے پیغام میں لیگی رہنما خوا جہ سود رفیق نے کہا ہے کہ جمہوری عمل آئینی بالادستی پارلیمنٹ سِول رْول اورانصاف کی حکمرانی کیخلاف سب سے بڑی منظم اورمکروہ سازش کے سرخیل بلاشبہ جناب عمران نیازی ہی ہیں،پاکستان پرکنٹرولڈڈیموکریسی مسلط کرنے کیلئے عمران نیازی 2010 سے ریاستی اداروں کی طاقتورشخصیات کامہرہ بنکربے شرمی سے اقتداراوردھن سمیٹتے رہے۔انہوں نے کہا کہ سیاسی قیادتوں کو کرپٹ، نااہل اور قابل نفرت قرار دینے کی مذموم سازش (پراجیکٹ عمران)کے نتیجے میں نیازی صاحب کوجھوٹا مہاتما اورنجا ت دھندہ بنا کر پیش کیا گی۔