جہلم (پی پی آئی)جہلم میں ڈاکوؤں نے بیرون ملک سے آئے خاندان کو بھی نہ بخشا اور برطانیہ پلٹ فیملی سے قیمتی اشیا لوٹ کر فرار ہوگئے۔پی پی آئی کے مطابق ڈکیتی کا یہ واقعہ صوبہ پنجاب کے ضلع جہلم کالا گوجراں کے مقام پر پیش آیا جہاں ڈاکوؤں نے رکشے میں سوار تین خواتین سے اسلحہ کے زور پر طلائی زیورات لوٹ لیے اور فرار ہوگئے جن کی مالیت 35 لاکھ بتائی جاتی ہے۔پی پی آئی کے مطابق ڈاکوؤں نے واردات سے قبل رکشے کا تعاقب کیا تھا جن کی تصاویر منظر عام پر آگئی ہے۔ واردات کی اطلاع ملتے ہی پولیس جائے وقوعہ پر پہنچ گئی۔پولیس نے تین نامعلوم افراد کے خلاف مقدمہ درج کرکے ملزمان کی تلاش شروع کردی ہے۔