الیکشن کراؤ ملک بچاؤ مہم،عوام کی بھرپور شرکت نے فیصلہ سنا دیا: مسرت جمشید چیمہ

لاہور(پی پی آ ئی) ترجمان حکومت پنجاب مسرت جمشید چیمہ نے کہا ہے کہ الیکشن کراؤ ملک بچاؤ مہم کا این اے 126 سے باقاعدہ آغاز ہو چکا ہے جس میں عوام کی بھرپور شرکت نے فیصلہ سنا دیا۔سماجی رابطے کی ویب سائٹ ٹوئٹر پر اپنے پیغام میں ترجمان حکومت پنجاب مسرت جمشید چیمہ نے کہا کہ عوامی رابطہ مہم کے دوران عوام کو امپورٹڈ حکومت کے ملک کو پہنچائے گئے نقصانات سے آگاہ کیا جا رہا ہے۔واضح رہے کہ تحریک انصاف نے الیکشن کراو ملک بچاو مہم شروع کر رکھی ہے، مہم کے تحت لاہور میں 11 روز میں 11 ریلیاں اور اجتماعات کا انعقاد ہو گا۔