عام انتخابات جلد ہوتے نظر نہیں آرہے، چوہدری شجاعت پنجاب کے معاملے پر ٹینشن زیادہ ہے لیکن جلد حل نکل آئے گا میرا پی ڈی ایم سے نہیں زرداری اور شہباز سے رابطہ ہے

لاہور(پی پی آئی)مسلم لیگ ق کے سربراہ چوہدری شجاعت کا کہنا ہے کہ وزیراعظم شہبازشریف اور آصف زرداری سے ملاقات اچھی رہی، ملاقات میں اچھی باتیں ہوئیں کوئی منفی بات نہیں ہوئی۔چوہدری شجاعت کا کہنا تھا کہ اگلے تین سے چار روز تک سیاسی رابطے اور ملاقاتیں جاری رہیں گی، میرا پی ڈی ایم سے نہیں زرداری اور شہبازشریف سے رابطہ ہے۔پی پی آئی کے مطابق سربراہ ق لیگ نے کہا کہ پنجاب کے معاملے پر ٹینشن زیادہ بنی ہے لیکن جلد حل نکل آئے گا، عمران عقلمند آدمی ہیں انہیں مشورے کی ضرورت نہیں۔چوہدری شجاعت نے مزید کہا کہ کچھ لوگ اسمبلیاں توڑنے پر تلے ہوئے ہیں اور کچھ بچانے کی تگ و دو کررہے ہیں، لیکن مجھے عام انتخابات جلد ہوتے نظر نہیں آرہے۔