سندھ ہائی کورٹ سے5 ارب روپے سے زائد مضاربہ سکینڈل کے سہولت کار کی ضمانت منظور

کراچی (پی پی آئی) سندھ ہائی کورٹ نے 5 ارب روپے سے زائد مضاربہ سکینڈل کے سہولت کار کی ضمانت منظور کر لی گئی ہے، ملزم پر بطور ایجنٹ عوام سے 15 کروڑ روپے ہتھیانے کا الزام ہے۔ پی پی آئی کے مطابق عدالت نے ملزم عبدالناصر کو 5 لاکھ روپے کے مچلکے جمع کروانے کا حکم دیا ہے، عدالت کی جانب سے 15 کروڑ روپے مالیت کی دستاویزات بھی جمع کروانے کی ہدایت کی گئی ہے، ملزم عبدالناصر پر قاری شفیق کے ایجنٹ کی حیثیت سے 15 کروڑعوام سے لینے کا الزام ہے۔نیب کا کہنا تھا کہ ملزم 6 سال سے مفرور تھا، ملزم نیعوام کی دولت لوٹنے میں سہولت کاری کی، اس پر وکیل صفائی نے کہا کہ ملزم ڈیڑھ سال سے جیل میں ہے، اس کے اکاؤنٹ سے کوئی رقم نہیں ملی، وکیل صفائی کا مزید کہنا تھا کہ یہ مرکزی ملزموں کا ملازم تھا، ان کے جرم کی سزا اسے نہیں دی جاسکتی، جن ملزموں کے اکاؤنٹس میں اربوں روپے آئے انہیں ضمانت پر رہا کیا جا چکا ہے۔