ایک سے زائد سیٹوں پرالیکشن لڑنے کیخلاف درخواست پررجسٹرار سپریم کورٹ کے اعتراضات

اسلام آباد(پی پی آئی)رجسٹرار سپریم کورٹ نے ارکان اسمبلی کے ایک سے زائد نشستوں پرالیکشن لڑنے کیخلاف درخواست اعتراضات لگا کر واپس کردی۔پی پی آئی کے مطابق رجسٹرار آفس کی جانب سے درخواست پر 7 اعتراضات عائد کئے گئے،رجسٹرار کی جانب سے اعتراض اٹھایا گیا ہے کہ انفرادی شکایت کی صورت میں آئین کے آرٹیکل 184 (3)کا اطلاق نہیں ہوتا،درخواست کی زبان مبہم اور بے ربط ہے،درخواست میں عوامی مفاد کے نکتے کی نشاندہی نہیں کی گئی۔ رجسٹرارکامزید کہناہے کہ درخواست گزار نے متعلقہ فورم سے رجوع نہیں کیا،درخواست میں آرٹیکل 184 (3)کے اطلاق کیلئے متعلقہ مواد موجود نہیں۔