سیلاب کے6ماہ بعد بھی بلوچستان میں ٹرین آپریشن مکمل بحال نہ ہوسکا

کوئٹہ(پی پی آئی)سیلاب کے6ماہ بعد بھی بلوچستان میں ٹرین آپریشن مکمل طور پربحال نہیں ہوسکا، جزوی بحالی کے بعدبلاشبہ 13 ٹرینیں چلا دی گئی ہیں تاہم 6 ٹرینیں ہنوز بحال نہیں ہوسکی ہیں،پی پی آئی کے مطابق ان ٹرینوں میں کراچی سے کوئٹہ کے درمیان چلنے والی بولان میل، عوام ایکسپریس، بہاؤالدین زکریا ایکسپریس، شالیمار ایکسپریس، سرسید ایکسپریس اور شاہ حسین ایکسپریس شامل ہیں، گذشتہ سال اگست میں شدید طوفان اور بارش سے “ہر ک ریلوے اسٹیشن” کے قریب ریلوے پْل نمبر 221کا ایک حصہ ٹوٹ گیا، جس کی وجہ سے کوئٹہ سے ٹرین سروس معطل ہوگئی تھی، جو ابھی تک معطل ہے۔