اسلام آباد سمیت ملک کے مغربی اور بالائی علاقوں میں مزید بارشیں متوقع

اسلام آ باد(پی پی آئی)محکمہ موسمیات کے مطابق اسلام آباد سمیت ملک کے مغربی اور بالائی علاقوں میں مزید بارشیں متوقع ہے، شمالی بلوچستان، گلگت بلتستان، کشمیر میں بھی بارش کا امکان ظاہر کیا گیا ہے۔محکمہ موسمیات کے مطابق خیبر پختونخوا، بالائی اور وسطی پنجاب میں بارش اور ڑالہ باری، پہاڑوں پر برفباری کی توقع ہے جبکہ کشمیر، گلگت بلتستان، بالائی خیبرپختونخوا، مری اور گلیات میں درمیانی سے شدید برفباری کا امکان ہے۔ادھر آزاد کشمیر کے بیشتر علاقوں میں رات گئے سے بارش اور پہاڑوں پر برفباری کا سلسلہ جاری ہے جس سے دارالحکومت اور گردونواح میں موسم سرد ہوگیا ہے، سیاحتی مقامات پیر چناسی، سراں، کوہ مکڑہ، گنگا چوٹی، نیلم کے پہاڑوں پر برف نے ڈھیرے ڈال رکھے ہیں۔شدید برف پڑنے سے وادی گریس شاہراہ 23 روز سے بدستور بند ہے، فاروڈ کہوٹہ حویلی کی رابطہ سڑکیں بھی برفباری کے باعث بند ہیں۔