وزیراعظم آزاد کشمیر کا ترک زلزلہ متاثرین کیلئے ایک کروڑ روپے کا اعلان

مظفر آ باد(پی پی آ ئی)وزیراعظم آزاد کشمیر سردار تنویرالیاس نے ترک زلزلہ متاثرین کے لئے ذاتی حیثیت میں ایک کروڑ روپے کا اعلان کردیا۔وزیراعظم آزاد کشمیر کا کہنا تھا کہ ترکیہ اور پاکستان کا بڑا مضبوط رشتہ ہے، آزاد کشمیر میں 2005 کا زلزلہ ہولناک تھا، ترک صدر سمیت عوام نے کھل کر کشمیریوں کی مدد کی تھی۔سردار تنویر الیاس نے کہا کہ آزاد کشمیر میں ایک سے 5 گریڈ تک ملازمین ایک دن کی تنخواہ زلزلہ متاثرین کو دے رہے ہیں، 5 سے اوپر گریڈ کے ملازمین 5 دن کی تنخواہ ترک زلزلہ متاثرین کو بھیج رہے ہیں۔انہوں نے مزید کہا کہ دکھ کی گھڑی میں ترک عوام کو احساس دلانا ہے کہ ہم ان کے ساتھ کھڑے ہیں۔