مقبوضہ کشمیر کے ضلع پلوامہ سمیت متعدد علاقوں میں چھاپہ مار کارروائیاں

سری نگر(پی پی آ ئی) بھارت کے زیر قبضہ جموں و کشمیر میں بھارت کے زیر کنٹرول ریاستی تحقیقاتی ادارے ایس آئی یو نے ضلع پلوامہ سمیت مقبوضہ وادی کے مختلف علاقوں میں نام نہاد چھاپہ مار کارروائیاں شروع کیں ہیں۔کشمیر میڈیا کے مطابق ایس آئی یو نے ضلع پلوامہ کے علاقے ترال میں دو مقامات پر گھروں میں گھس کر تلاشیاں لیں۔ایک پولیس افسر نے دعویٰ کیا کہ یہ تلاشیاں غیر قانونی سرگرمیوں کی روک تھام کے کالے قانون یو اے پی اے کے تحت درج ایک مقدمے کے سلسلے میں لی جارہی ہیں۔ آخری اطلاعات آنے تک علاقے میں تلاشی کارروائیوں کا سلسلہ جاری تھے۔