عدالت میں پیشی کے موقع پر باہر نکلے پر وکلا سمیت عوام کا مشکور ہوں: عمران خان

لاہور(پی پی آ ئی) چیئرمین پی ٹی آئی عمران خان نے اپنی ایک ٹویٹ میں وکلا سمیت ان تمام افراد کا شکریہ ادا کیا ہے جو پیر کے روز عدالت میں پیشی کے موقع پر باہر نکلے۔عمران خان نے اپنی ٹو یٹ میں کہا کہ میں تمام لوگوں اور خاص طور پر وکلا کا شکریہ ادا کرنا چاہتا ہوں کہ جو کل بر وقت بڑی تعداد میں باہر نکلے اور اپنی پرجوش حمایت ظاہر کی۔واضح رہے کہ عمران خان پیر کی شام عدالت کے طلب کرنے پر جب لاہور ہائی کورٹ پہنچے تھے تو ان کے ہمراہ تحریک انصاف کے رہنما اور کارکن بھی موجود تھے جس کے باعث ان کی عدالت تک رسائی تاخیر کا شکار ہوئی۔