نئی دہلی(پی پی آئی)معروف بھارتی نغمہ نگار جاوید اخترکے دورہ پاکستان سے ناراض ہندو انتہا پسندوں نے ان کے خلاف محاذ کھول دیا اور بعض نے ان کا ویزا منسوخ کرنے کا مطالبہ کیا۔کشمیرمیڈیاکے مطابق جاوید اختر فیض فیسٹیول میں شرکت کے لیے گزشتہ دنوں لاہور آئے تھے۔ ان کے اس دورے پر انتہا پسند ہندو تنظیمیں بہت ناراض ہیں اور سوشل میڈیا کے ذریعے ان کے خلاف مہم چلارہے ہیں۔ جاوید اختر نے اپنے دورہ پاکستان کے دوران لاہور میں فیض فیسٹیول میں شرکت کے علاوہ مشاعرے اور اپنی کتاب’جادو نامہ‘کے اجرا کی تقریب میں بھی شرکت کی،جاوید اختر کے دورہ پاکستان کی خبر عام ہوتے ہی بھارت میں انتہا پسند ہندو تنظیموں نے ان کے خلاف محاذ کھول دیا۔ بعض افراد نے تو حکومت سے جاوید اختر کا ویزا منسوخ کرنے کا مطالبہ بھی کر دیا تاکہ وہ بھارت واپس نہ جاسکیں۔
Next Post
قوم اس وقت کڑے امتحان اور چیلنج سے گزر رہی ہے:وزیراعظم
Wed Feb 22 , 2023
ماضی میں رہنے کے بجائے ہمیں آگے بڑھنے کافیصلہ کرنا ہے:شہباز شریف اسلام آ باد(پی پی آ ئی)وزیراعظم شہباز شریف نے کہا ہے کہ قوم اس وقت کڑے امتحان اور چیلنج سے گزر رہی ہے۔وفاقی کابینہ سے خطاب کے دوران وزیر اعظم نے کہا کہ قوم اس وقت کڑے امتحان […]