مزید 2 مریض لقمہ اجل بن گئے،مثبت کورونا ٹیسٹ کی شرح 0.84 فیصدریکارڈ
اسلام آباد (پی پی آ ئی)) ملک بھر میں کورونا کی چھٹی لہر کے وار پھر تیز ہونے لگے، جان لیوا وائرس سے مزید 2 مریض لقمہ اجل بن گئے۔
تفصیلات کے مطابق ملک بھر میں گزشتہ 24گھنٹوں کے دوران کورونا وا ئرس کے مزید 42مثبت کیسز رپورٹ ہو گئے، قومی ادارہ صحت (این آئی ایچ)کی جانب سے جاری کردہ اعداد و شمار کے مطابق گزشتہ 24 گھنٹوں کے دوران 5ہزار19کورونا ٹیسٹ کئے گئے جن میں سے 42افراد کے کورونا ٹیسٹ مثبت آئے ہیں۔اس طرح گزشتہ 24 گھنٹوں میں کئے گئے مثبت کورونا ٹیسٹ کی شرح 0.84 فیصد رہی ہے، مزید برآں اس دوران کورونا وائرس سے2 مریض جاں بحق ہو گئے،جبکہ 15مریضوں کی حالت تشویشناک ہے۔