مشکلات کے باوجود شوکت خانم کراچی رواں برس کے آ خر تک کھل جا ئیگا: عمران خان

لاہور/کراچی (پی پی آ ئی)پی ٹی آئی چیئرمین عمران خان نے کہا ہے کہ مشکلات کے باوجود شوکت خانم کراچی رواں برس کے آ خر تک عوام کیلئے کھول دیا جا ئیگا۔ سماجی رابطے کی ویب سائٹ ٹوئٹر پرسابق وزیر اعظم عمران خان نے شوکت خانم اسپتال کراچی کے متعلق کہا کہ تعمیراتی صنعت کو درپیش تمام چیلنجز اور کینسر کے آلات کی درآمد میں مشکلات کے باوجود، ماشا اللہ شوکت خانم کراچی میں اس سال کے آخر میں افتتاح کیلئے تیار ہے۔چیئرمین عمران خان نے مزید کہا کہ شوکت خانم کراچی کا رقبہ لاہور سے دوگنا ہوگا اور اس میں کینسر کے جدید آلات بھی ہوں گے۔