سندھ نے سستی بجلی کے لیے صوبائی گرڈ کا خاکہ پیش کیا؛ ڈنمارک کی سبز سرمایہ کاری پر نظر

خالد رضا کی ٹارگٹ کلنگ اداروں کے لئے ایک سوالیہ نشان ہے
کراچی (پی پی آئی)جماعت اسلامی کراچی کے امیر حافظ نعیم الرحمان نے کہا ہے کہ الیکشن کمیشن پیپلز پارٹی کا آلہ کار بن رہا ہے۔تفصیلات کے مطابق حافظ نعیم الرحمان نے پریس کانفرنس کرتے ہوئے کہا کہ شہر میں اس وقت امن و امان کی صورتحال بہت ابتر ہے۔پی پی آئی کے مطابق انہوں نے کہا کہ گزشتہ رات ایک واقعہ رونما ہوا ہے جو کہ عام ڈکیتی کی واردات سے ہٹ کر معلوم ہوتا ہے، خالد رضا صاحب جن کا تعلق تعلیم کے شعبے سے تھا اور ان کی شناخت یہ تھی کہ وہ تحریک آزادی کشمیر کے لئے جدوجہد کرتے تھے۔انہوں نے بتایا کہ خالد رضا کو ان کے گھر کے سامنے ٹارگٹ کر کے شہید کیا گیا ہے اور اس طرح ٹارگٹ کلنگ کا یہ سلسلہ ایک بار پھر شروع ہوگیا ہے۔ان کا کہنا تھا کہ خالد رضا کا تعلق تعلیم، کشمیر، فلاح و بہبود کے کاموں سے ہے اور ان کو اس طرح ٹارگٹ کیا جانا ہمارے اداروں کے لئے ایک سوالیہ نشان ہے۔