محبوبہ مفتی کی پلوامہ میں متاثرہ پنڈت خاندان سے ملاقات

سری نگر(پی پی آ ئی)بھارت کے زیر قبضہ جموں و کشمیر میں پیپلز ڈیموکریٹک پارٹی کی صدر محبوبہ مفتی نے پیرکونامعلوم مسلح افراد کے ہاتھوں پلوامہ میں ہلاک ہونیوالے بینک کے گارڈ پنڈت سنجے شرما کے اہل خانہ سے ملاقات کی۔کشمیر میڈیا کے مطابق محبوبہ مفتی نے ضلع پلوامہ کے گاؤں اچھن میں سوگوار خاندان سے ملاقات کی اور ان کے ساتھ اظہار یکجہتی کیا۔ انہوں نے سوگوارخاندان کو ہر ممکن مدد کا یقین دلایا۔واضع رہے کہ مقبوضہ جموں و کشمیر میں گزشتہ روز ضلع پلوامہ میں نامعلوم مسلح افراد نے گولی مار کر قتل کر دیا گیا تھا۔ قتل ہونے والے کشمیری پنڈت سنجے شرما کے مسلمان ہمسایوں نے سنجے کی آخری رسومات کی ادائیگی میں اس کے اہل خانہ کی مدد کی۔